超人帝拿结局篇.docx
- 文档编号:9380908
- 上传时间:2023-02-04
- 格式:DOCX
- 页数:16
- 大小:28.08KB
超人帝拿结局篇.docx
《超人帝拿结局篇.docx》由会员分享,可在线阅读,更多相关《超人帝拿结局篇.docx(16页珍藏版)》请在冰豆网上搜索。
超人帝拿结局篇
超人帝拿結局篇
杜明寺:
電視編劇,其人神神化化,一天到晚沉迷於幻想之中,有很多奇人朋友,每當沒有靈感就找朋友。
杜太:
師奶一名,對兒子的神化行為不置可否。
只愛煮飯和打麻雀。
利賓納:
又名納斯達克,一個股壇大鱷。
伊利莎伯朱利安納珍安東尼奧:
一個貴族女兒。
那儀:
不願回家的學生妹。
路人甲
期貨交易員
路人乙
侍應
路人丙
超人帝拿
路人丁
野花
路人戊
路人已
ASM
路人庚
超人帝拿結局篇
(幕開,杜用傘扮打Golf。
一個人坐在凳上仰望,在想故事,手拿著藍傘一直不放。
)
(然後自己笑起來。
)
(然後扮憂鬱。
)
杜:
我叫做杜明寺。
我……係一個作家。
(把傘轉來轉去。
)
(忽然看見有甲由走過,起身捉甲由。
)
杜:
死啦!
死啦!
死啦!
走甩左添。
唔好俾我見到你!
見一鑊打一鑊!
(回復憂鬱。
)
杜:
我係一個作家。
唔係,我真係一個作家。
我,我,我唔係……我,我真係唔係講笑。
(一頓)
杜:
你唔信我––算啦。
(把傘開開收收。
)
杜:
呢,好似齣烈火雄心呀,咪我作囉。
套蛇蠍新人類,人地係有一訊息想帶出,……點鬼知個導演就將條橋拍鹹片。
重有呀,套星戰前傳呀,抄人地條橋,又唔俾錢!
不過就唔係抄我。
(起身,當傘是舞伴,跳舞。
)
杜太:
(在外面叫)杜明寺!
杜:
(立刻坐下扮死)有冇睇過ToyStory呀?
杜太:
(拿著碗粥)阿仔,喂!
……食粥呀!
(杜呆呆的看著杜太,杜太餵他食粥,像低能兒。
)
杜:
你話呢,如果魔禮紅帝國知道超人帝拿需要5.6秒先至變到身,
杜太:
你食完先講啦!
杜:
你話呢,如果魔禮紅帝國知道超人帝拿需要5.6秒先至變到身,個時間用紅死光攻擊超人,超人就會廢武功,但係超人帝拿又知道魔禮紅帝國,佢,佢地……
杜太:
你食完先講啦!
杜:
唔係呀,呢件事係關乎人類存亡,宇宙和平––
杜太:
(停手,瞪著杜,然後好像很認真地)咁就要睇下邊個出手先。
咁超人帝拿……又知唔知佢地弱點俾人知道呀?
杜:
係喎,我冇諗過添!
杜太:
即係好似你單吊七筒,台面有兩隻七筒,你囉住一隻,重剩番一隻,唔知係人地囉住定係疊牌度,其實就你對家度,你對家又知道你吊緊七筒……
杜:
嗄,嗄,咁即係點呢?
杜太:
咁即係點?
係囉,咁即係點唧?
我點知唧?
呢人類存亡,宇宙和平事,問我做乜唧?
我剩係識打麻雀,同煮飯!
杜:
但係我覺得你好有才華。
杜太:
(開心)邊係呢。
呀,我約呀哨牙珍同黑鬼德佢地……打麻雀呀。
杜:
咁,咁我……咁我點呀?
杜太:
我點知你點呀?
(杜拿著傘指向天,搖下搖下。
)
杜:
我,我去,我去搵朋友。
杜太:
你又話要做?
杜:
我咪做緊囉!
你唔見咩?
我好忙––不過你都係唔明啦。
(起身行)
杜太:
……哦。
我去打麻雀,––你記得帶錢出街呀,知唔知呀!
(拿粥回去)(杜出)帶錢呀!
(轉燈)
(路人甲乙丙丁戊已庚各手上一把傘,拿著一張凳走出來,一面叫著:
好忙呀,好忙呀,一面在台上打圈。
最後把凳排成一直線。
甲站上中間的凳,其餘的人扮期指巿場,用手勢表示買賣,甲就做交易員,用手指來指去,表示交易,又不時扮擦黑板,寫字,表示價位上落。
)
(利賓納出,在打電話。
)
利:
而家情況點呀?
嗄?
……嗄?
……乜咁搞法呀?
唉也,唔使驚––
(杜走來,急停,回到利旁。
)
杜:
利賓納!
利:
你度做乜呀?
杜:
我有緊要事想……
利:
行開啦!
我做緊呀!
(向電話)係係,咁即係蝕幾多?
……我地重有幾多……
(杜十分沒趣。
)
利:
而家跌停,好先掃兩手!
(杜忽然見到地上有掃把,把傘掛在利手臂,立刻拿起掃把掃兩下。
)
利:
(興奮地)好!
再掃再掃!
(杜連忙再掃地。
)
利:
同我有幾多掃幾多!
(杜拼命地掃地。
)
利:
掃佢清光為止!
(杜掃到走來走去。
)
利:
好,放,放晒佢!
(杜把掃把豎直,放手,掃把跌在地上。
路人們回身看著杜。
杜尷尬張望。
)
利:
放晒啦!
Yes!
今次重唔掂!
(打鐘。
路人們一起「噓」,回到凳處坐下,很倦的樣子。
)
利:
杜明寺!
哈哈哈!
杜:
利賓納!
(慢動作起走向對方擁抱。
)
利:
唔好叫我利賓納,我而家叫做納斯達克!
杜:
哼!
唔好叫我杜明寺,我而家叫杜指!
杜指,大過納指,哼!
(二人分開。
)(路人們把紅背心反轉變白背心。
)
利:
哼哼!
杜:
哼哼哼!
利:
哼哼哼哼!
杜:
哼哼哼哼哼!
利:
……冇你咁無聊。
呀,你做乜?
……呀,今日賺好多錢呀!
不如去食大餐啦!
(路人們放好長檯,舖上白檯布,放凳在兩邊。
)
杜:
利賓納。
利:
係納斯達克。
杜:
納斯達克,我覺得我地距離越來越遠。
利:
應該。
無敵就係最寂寞,我地距離唔係越離越遠,我又點知道我越來越成功,哈哈哈!
杜:
如果我窮到要訓街,你係唔係會更加覺得你成功,更加開心?
利:
哈哈,梗係啦!
梗係啦!
杜:
原來,我只係一個陪襯,人地陪襯,咁我自己呢?
利:
呀,你今日搵我做乜?
杜:
我有諗唔通。
利:
哦。
但係我剩係識炒股票,其他乜都唔識。
杜:
如果超人帝拿談戀愛話,佢會鍾意點樣女仔?
利:
(一頓)都話我剩係識炒股票,呢保衛地球問我做乜唧?
杜:
你……點可以咁?
唔通,你個靈魂已經賣俾股票?
唔通你已經冇理想?
利:
有呀。
炒股票囉。
杜:
(一頓)你可唔可以幻想一下,你就係超人帝拿,你擁有超人力量,你要保衛地球,但係你又要向日常時候,隱藏你身份,而你鍾意一個地球人,你內心好痛苦,咁你鍾意人係點樣呢?
利:
(起身,好投入地想)佢高貴、美麗、著古裝、成個公主咁。
(音樂--如藍色多瑙河之類。
伊利莎伯穿古裝,拿著有Lace的傘,跳著舞出場。
利賓納便和她起舞。
)
杜:
(看得目定口呆)佢係我見過,最高貴女人。
(一會,舞停。
)
(杜行到伊前,不知所措。
)
利:
等我介紹,呢位係伊利莎伯朱利安納珍安東尼奧,係盧森堡珍安東尼奧家族獨女。
呢位係,我朋友––(杜想和伊握手)
伊:
我有需要認識咩?
(伊坐了杜的位,利也回位。
杜站在中間。
)
杜:
我––失戀啦!
(走向利)我重冇位坐添。
(利拍手。
路人乙拿了一張小童凳出來。
杜便坐上去。
)
伊:
我聽到一個消息,納斯達集團而家度收購緊珍安東尼奧旗下伊他勒企業股份,似乎係敵意收購,我今日,係想證實一下,有冇咁事。
利:
收購就係收購,但係唔係敵意。
伊:
哦,咁你目的係乜?
利:
我知道伊他勒企業,慕尼克同布魯塞爾有好多資產,對我地發展好有利。
我只係希望兩家財團可以合作。
杜:
伊利莎伯小姐,有想問下你。
利:
講緊正經,唔好阻住晒。
杜:
好正經!
利:
你有乜正經呀?
杜:
伊利莎伯小姐,如果超人帝拿鍾意你,你會點做呀?
伊:
靚唔靚仔?
有冇錢?
杜:
佢係地球防衛軍主要人物,靚仔都幾靚,唔算好靚,錢就冇乜啦。
伊:
(沒興趣,轉向利)我地講到邊度?
杜:
(被忽視。
向觀眾)原來超人帝拿情史係咁!
咪住。
(走到利旁)頭先,有人講過,佢夢中情人係一個著古裝,好高貴,成個公主咁女人。
利:
我冇講過!
杜:
啊,你冇講過,你夢中情人,就係好似伊利莎伯小姐咁。
利:
唔係呀!
伊:
你想講乜呀?
杜:
哦,咁冇啦,你地當我唔存在就得啦,繼續講啦。
伊:
嗄?
納斯達克先生?
(播歌:
兩小無猜)
利:
好,我講。
你記唔記得你十一歲時候,讀過國際學校。
度,有個肥仔,叫利賓納。
伊:
嗄?
(呆望著利)
利:
成日扯我頭髮,又扭我耳仔,日子過得好快樂。
但係我知道,當公主明白到自己身份時候,就唔會再同普通人來往。
所以我就立志要不斷向上爬,有錢到可以同珍安東尼奧家族打交道……
伊:
你就係利賓納呀!
(走過去扯利頭髮,扭利耳仔,很高興的樣子)好高興呢度撞番你呀!
利:
我特登買你股票,等你搵我!
只係唔知道你今日就。
伊:
你奸呀你!
(二人這樣就走)
杜:
喂喂喂,走啦?
嗄?
你地咁就走啦?
利:
你想食乜就自己叫啦,我會埋單啦!
(向伊)不如去睇戲……
伊:
去聽音樂呀……
利:
有飛咩?
伊:
飛?
叫樂隊我屋企咪得囉。
利:
我唔記得公主作風添。
(二人離去。
)
(路人們把桌子拿走,把椅子放回原位。
)
杜:
原來公主同男爵故事,超人帝拿係冇辨法可以介入。
超人帝拿雖然係地球防衛軍,雖然幾靚仔,但係就冇乜錢。
路人乙:
先生叫唔叫食?
(扮侍應)
杜:
你地都收檯咯!
路人乙:
咁我地開番。
杜:
唔使啦,唔該一個叉燒飯囉走。
路人乙:
嗄?
杜:
冇叉燒飯呀?
咁雞鮑翅啦。
路人乙﹕
好呀。
杜﹕
雞鮑翅囉走。
記住條數係納斯達克先生!
路人乙:
哦,我知。
(路人丙帶著超人面具,用傘遮著面在背台坐下,收傘。
)
(杜想逗路人丙說話,路人丙回頭,杜就發現他是超人帝拿,但並無異狀。
)
杜:
咁。
(丙點頭)
杜:
約人呀?
(丙搖頭)
杜:
一個人咁悶,你屋企人呢?
(丙兩指舉向天)
杜:
係喎,你屋企人超人星喎,唔記得添。
(丙起身,兩手叉腰,望天。
)
丙:
(似日語)我,內心好痛苦。
杜:
我明白。
丙:
超人,同人類係唔同。
(路人乙拿著兩袋飯盒)
乙:
雞鮑翅囉走。
(杜拿飯盒)
乙:
東星斑囉走。
(丙拿飯盒)
杜:
原來超人帝拿鍾意食東星斑!
丙:
打完怪獸,有花紅分。
咪食餐好呢。
杜
SoKa.
(各人離去)
(雨聲,路人們張傘漫步。
)(可加雨傘舞)
(路人丁在路旁蹲著扮未開的花。
)
(杜行出來,找車站。
)
杜:
個車站呢?
(看看)呀,度。
(拿錢包出來,找不到錢,倒一倒,空的。
)冇錢?
頭先重有!
我已經記得帶銀包啦今次,但係銀包冇錢,咁都冇辨法。
咁點呢?
(有路人站在杜旁排隊。
)
杜:
小姐,有冇十蚊呀?
(小姐尷尬搖頭。
杜開始對每個人借錢,沒有一個人借給他。
)
杜:
先生,有冇十蚊呀?
有冇十蚊呀?
我冇錢返屋企呀。
兄弟,江湖告急,有冇十蚊?
有冇人有十蚊呀?
(蹲下扮乞兒)
杜:
先生,施捨個發財錢啦!
阿叔……點解?
點解呢個大都會,資本主義社會裏面,人與人之間係咁冷漠?
點解頭先先至上流社會打滾,而家淪落到要做乞兒?
呢個人慾橫流世界入面––(見路人丁)咦,你度做乜呀?
丁:
我係一朵野花。
杜:
你係一朵野花?
丁:
我係一朵未有人愛過野花。
杜:
點解你摺埋?
丁:
你淋水啦。
(杜左顧右盼,有人給杜一個種花用花洒,杜向丁淋水,丁長大並開花。
)
丁:
讚我靚啦。
杜:
(想想)有冇十蚊呀?
丁:
你唔愛我!
杜:
我有雞鮑翅,請你食呀。
丁:
你唔愛我?
(花垂下頭和手凋謝了。
)
杜:
(有點婉惜而不知所措地。
)係唔係我講錯呀?
你俾多次機會我呀?
俾貼示啦?
你唔好咁啦好唔好呀?
(淋水,但花沒有反應。
)我都唔知道愛情係乜,何況係一個作家同一朵野花愛情。
你可唔可以話俾我知,點先會令你開心呀?
丁:
花只會開一次咋。
(丁離去)
(有人拿回花洒。
)
(儀蕩著書包穿著校服出來,坐在一旁發呆。
杜仍在四處問人十蚊,但沒有人理他。
)
(杜走向儀。
)
杜:
小姐,可唔可以借十蚊比我呀?
(儀在看鏡,搽唇膏,不理會他。
)
杜:
做下好心啦,我用晒錢,冇錢搭車返屋企呀。
(儀也不理。
)
杜:
小姐,其實(到儀耳邊)我地攝製隊你左一角……上……左,唔好望,自然。
儀:
(取銀包)呢度九個半,冇啦,呀重有兩毫,你夠未呀?
杜:
咁你呢?
儀:
我行到返屋企。
杜:
你真係好人。
儀:
做人,係應該互助互愛。
(懶正義地說,然後做V字手勢。
)頭先Take得唔得呀?
杜:
幾好。
(想離去。
)
儀:
喂,想囉我錢走?
杜:
你唔係借我?
儀:
我幾時話借你?
杜:
你啱啱先話,做人,係應該互助互愛。
我條街度,一連問十四次,只係借十蚊,都冇人借,人情冷曖,世態炎涼,重有乜說話講。
儀:
你借多可能有人理你。
(有點內疚地)
杜:
咁你有冇五百蚊呀?
儀:
(看銀包)五百就冇,不如借夠一千啦。
(拿出一千元紙幣)
杜:
嗄?
咁……
儀:
咁你咪可以同我交換電話,再約出囉。
杜:
係喎。
(拿張卡給儀)
儀:
嗄?
你係寫電視劇!
編劇呀!
好犀利呀!
你寫過乜故仔呀?
你平日生活係點?
你靈感邊度?
你會唔會寫下我故事呀?
杜:
哦……唔……(坐在儀旁)呀……你肚唔肚餓呀?
不如一齊食啦。
(打開飯盒)
儀:
……雞鮑翅……你好Special呀!
又有個性!
重好Romantic添!
杜:
係,係咩?
儀:
你話正常人點會囉住盒雞鮑翅飯盒,然後周街問人借十蚊呀?
杜:
(想想)唔正常咩?
我頭先去搵個朋友,佢無端端話請我食飯,都未坐暖張凳,佢有個朋友,就唔理我,同個朋友走,叫我自己任叫食,我本來想叫叉燒飯,間冇叉燒飯,我話雞鮑翅呢,佢反而話有,我咪要雞鮑翅囉。
儀:
你好……你好……哎呀……我唔識講呀!
係唔係做作家人都係咁!
杜:
都係點呀?
儀:
都係咁……咁囉!
杜:
唔係咁,咁可以點呀?
儀:
每一日返學放學,坐同一部車,行同一條街。
做每一樣,都係有人規定,一定要咁做,一定唔可以點樣做。
每件事都有期限,幾月幾號有測驗,幾月幾號有考試。
每一方面都有標準,你呢度叻,佢度叻。
我唔想成世都係咁,所以成日特登去遲到,犯校規,即使係咁,我都只可以跟住人,如果唔跟住人,我根本就唔知道可以點。
杜:
(哭起來,以手抹眼水鼻涕,儀用紙巾抹杜面)
點解我咁?
(拿著飯盒四圍踱,在想東西。
)
我好似記番起好多咁。
……我以前都係咁。
唔知幾時開始……就唔再係咁啦。
(超人帝拿拿著飯盒在杜身旁行過。
)
我唔記得正常係點,……有乜係唔可以。
(四個人前後左右護著伊利莎伯和利賓納,在杜身旁行過。
)
有時我都分唔清楚乜係真,乜係自己幻想出。
(野花走出來開一開並向著杜笑,然後合起來走了。
)
有時我自己都覺得亂晒龍,唔知道自己度做緊乜。
但係如果我正常番,我就做唔到作家啦。
儀:
咁你咪好痛苦囉?
杜:
(看看飯盒走回儀處)有舊鮑魚,你食啦。
(二人便越食越開胃,一會便食完,杜便把飯盒放在一旁。
)
杜:
我把遮呢?
我把遮呢?
(看見傘掉在一旁,是剛才蹲下時忙記拿)你冇遮?
儀:
人人都囉住把遮,我就偏偏唔囉!
杜:
落雨喎。
儀:
由得佢落囉。
杜:
你咁怪?
儀:
怪個係你呀!
杜:
係咩?
呀,都要返屋企啦。
儀:
嗯,頭先……好似有你未答我。
杜:
有乜?
……還錢呀?
……我呢度有一千蚊,夠唔夠還呀?
儀:
(推他收起)噫!
我頭先借俾你!
杜:
呀,你未俾電話我。
(拿卡片和筆,儀寫下)你叫……那儀,那儀?
你姓那?
你姓那,叫阿儀呀?
儀:
係呀。
那儀,那儀。
只有我個名,令我覺得自己有特別。
杜:
那儀,那儀……
儀:
我走啦,你幾時還錢俾我呀?
杜:
好快。
儀:
唔緊要,還完可以再借!
拜拜,拜拜!
(二人分頭離去。
轉燈。
杜回到家裏,拿著WritingPad飛快地寫。
口中念念有辭。
)
(杜太出來,看著杜,並想看杜寫的東西。
一會出去,拿了一碗糖水出來。
)
杜太:
仔呀,食飯未呀?
杜:
食啦。
杜太:
我煲糖水,食啦。
(杜太餵杜食糖水。
)
杜太:
你做緊呀。
杜:
唔係,做完啦。
杜太:
哦,今日做過乜呀?
杜:
今日我去山一證卷搵利賓納傾偈,佢贏錢請我食飯,點知阿伊––
杜太:
你幾時有個阿姨呀?
杜:
唔係Auntie個阿姨,係伊利莎伯安東尼奧,唔係,係朱利安納珍,呀,係伊利莎伯朱利安納珍安東尼奧。
咁呀利賓納就唔理我,同阿伊走––
杜太:
利賓納又係人。
杜:
係呀!
杜太:
你成日講都亂晒大龍,都唔知幾時真幾時假!
一時又象神,一時又魔童,一時又蝦餃,我以為食得原來係人,我以為係人原來係隻狗。
杜:
我一向都係咁。
杜太:
咪住,個伊利莎伯係人嘛。
杜:
係人。
杜太:
唔係隻狗。
杜:
唔係隻狗。
杜太:
哦。
有明啦。
杜:
後尾,走時候,我冇錢,後尾那儀借一千蚊俾我。
杜太:
做乜無端端借一千蚊唧?
杜:
我叫那儀借十蚊,那儀唔借,我話借五佰,那儀就借夠一千。
杜太:
乜那兒呀?
乜那兒唧?
文言文呀?
杜:
那儀係人。
杜太:
乜叫做那兒係人呀?
杜:
那儀姓那,即係好似那英咁。
杜太:
啊,都係人。
杜:
阿媽呀,我諗通啦。
杜太:
嗄?
你諗通啦,你肯鍾意番女人啦,好囉,杜家有後囉。
杜:
我幾時話過我搞基呀?
杜太:
冇咩?
可能,我又誤會。
(餵杜吃糖水)咁你諗通咩呀?
杜:
我諗通啦,超人帝拿佢,度變身時候,俾魔禮紅帝國死光射中,冇晒超能力,變番普通人。
於是佢就用最後一次超能力,通知超人狄加地球,繼續佢使命。
(杜、杜太向天想東西。
)
杜太:
好深。
杜:
唔。
杜太:
唔怪得超人打怪獸打幾十年,打極都唔完啦!
(一頓,杜忙著寫稿,突然––)
杜:
哎呀!
杜太:
又乜呀?
杜:
我記得我唔記得乜啦!
頭先,那儀問過我一句好重要說話,我因為見到舊鮑魚,冇答到佢,佢話––
杜太:
乜鮑魚呀,人?
杜:
鮑魚呀,食得呀!
杜太:
幾時又有舊鮑魚呀?
杜:
你唔好嘈住,唔係我又唔記得啦。
……佢話……佢話……咁你咪覺得好痛苦囉?
杜太:
咁你係唔係覺得好痛苦呀?
杜:
(想一想,杜太又餵他吃糖水)唔係呀,幾好呀。
(Musicfadein)
杜:
你今日打麻雀贏定輸呀?
杜太:
開頭贏,後尾輸,打和囉。
杜:
哦,咁幾好呀。
杜太:
你套戲幾時做呀?
杜:
好快,幾日拍一集。
杜太:
乜咁Cheap。
杜:
係咁啦,唔係點會一年到晚都有得睇。
幾好戲都只係娛樂節目,睇完冇幾耐人就會唔得。
杜太:
咁寫劇本都Cheap喎。
杜:
Cheap。
唏,冇法啦,搵食。
---完---
- 配套讲稿:
如PPT文件的首页显示word图标,表示该PPT已包含配套word讲稿。双击word图标可打开word文档。
- 特殊限制:
部分文档作品中含有的国旗、国徽等图片,仅作为作品整体效果示例展示,禁止商用。设计者仅对作品中独创性部分享有著作权。
- 关 键 词:
- 超人 结局
![提示](https://static.bdocx.com/images/bang_tan.gif)