滴天髓 进阶.docx
- 文档编号:7030905
- 上传时间:2023-01-16
- 格式:DOCX
- 页数:13
- 大小:28.84KB
滴天髓 进阶.docx
《滴天髓 进阶.docx》由会员分享,可在线阅读,更多相关《滴天髓 进阶.docx(13页珍藏版)》请在冰豆网上搜索。
滴天髓进阶
《滴天髓》
命理高階組織 第一頁 滴天髓
陽干動且強,速達顯災祥,陰支靜且專,否泰每經年。
呢度的陽干並唔係甲丙戊庚壬,陰支亦唔係丑卯巳未酉亥、而係天干地支合計。
以甲乙寅卯為例,並唔係天干甲陽乙陰,地支寅陽卯陰,正確解釋係天干甲乙為陽地支寅卯為陰,即係干為陽,地支為陰,現在多好書都重執著字面解釋,解極解唔到。
因為天干顯露於外,動而快速,支納於下,靜而應慢。
天干只代表一樣 ,而地支可能藏有好多 。
天干的性質單純,而地支的性質複雜。
天干的吉凶顯而易見,如剋洩交加災禍即刻見,如果有生有扶,即刻見好 。
但係地支就唔同,吉同凶都深藏唔顯,一時間見唔到禍福,一定要見到流年或者大運來引發,禍福先至會顯現出來。
呢度話;經年者,並唔係經過一年,而係話歲運相連,又或大運中見到流年,亦都話應的時間較為慢D。
天戰猶自可,地戰急如火。
天戰即係天干相剋,如甲庚.乙辛.丙壬.丁癸。
戊己見甲乙,戊己見壬癸,都屬於天戰。
地戰正確來講係寅申,巳亥,子午,卯酉,四沖。
另外辰戌,丑未只係沖無戰,所以唔入圍。
呢度話天戰,天干剋戰,如果地支順靜就無問題。
但係地支相沖,天干就無能為力,因為天干以地支為根,地支以天干為苗,如果苗萎壞而根無損傷,依然可用,如果根損傷 就算苗無剋戰,亦都變成無用。
天干有沖戰,而地支會合有力,可以對天干有一定的助力,但係地支沖戰,天干就無能為力,天干沖戰係輕微的,地支沖戰就嚴重勒。
43年 戊丙丙癸
子午辰未
44 34 24 14 4
辛 壬 癸 甲 乙
亥 子 丑 寅 卯
43年,呢組八字丙生辰月.地支子辰會水,雖然日坐羊刃仍以身弱論,所以喜印比生扶。
最忌沖剋,天干丙癸相沖無問題,地支子午相沖先至緊要。
大運乙卯,甲寅有廿年印比運,有人提攜。
癸丑運,日坐羊刃行官運可以掌權,但係行到壬子運,甲子流年,三個子沖陽刃用神,所有 一敗塗地。
生方怕動庫宜開,敗地逢沖仔細推。
生方者就係寅申巳亥,最忌沖,所以話怕動,庫就係辰戌丑未,又叫四墓庫,唔忌沖,唔係喜沖,只不過唔忌剋。
子午卯酉就係四敗地,有喜沖有忌沖,生方的寅中甲丙戊,天干甲丙以寅為根,如果寅被申沖,就甲丙之根被沖,生機無晒。
戊土寄生於寅申,寅見申雖然唔係相剋,亦忌沖動,戊土篇有講,若在艮坤,怕沖宜靜,墓庫辰戌丑未,以土為本氣,自己沖都無咁大問題,土沖土,名叫朋沖,就越沖簑旺,所以話庫宜開。
但係如果用神藏在庫內。
例如金水傷官喜見官,而丁火官星藏在戌未之中,呢D就怕沖。
又例如木火傷官喜印星,癸水印星藏於辰丑之中。
呢D墓庫就唔可以沖。
如以財官為用,辛金官星藏於戌未之中,用神入墓庫之中,已經係閉塞。
如果逢沖就反而係好的,但係如果遇合就更加衰上加衰。
例如子與丑合,已經閉塞,重要合住。
敗地逢沖因為子午卯酉係專旺之地,無論喜忌都好明顯,如果喜神被沖就一定有大忌。
以之為忌,被沖就梗係好啦。
旺者沖衰衰者拔,衰神沖旺旺者發。
衰旺就一定要睇全局來決定,如果午去沖子,原局寅卯戌多,成午旺子衰,子水就會連根拔起,所以話旺者沖衰,如午沖子,原局辛酉亥丑多,成子旺午衰,變成衰沖旺,完全沖唔郁,呢度有第二種意思,就係喜神沖忌神,或者忌神沖喜神,如果原局力弱的係喜神,俾旺的衰神沖去就梗有禍。
77年 甲庚戊丁
申申申巳
77年庚金申月以官為用,丁火微弱,如果遇到旺的衰神沖去丁火,就有禍。
50年 癸丁壬庚
卯亥午寅
50年丁火午月,此命身旺以財官為用,但財官都虛浮無根,要行甲申,乙酉運始有好環境,如果行戊子運.子水係沖唔郁寅午會的半火局,但係行申運就唔同,庚金財星得祿,申又沖去寅,使到火唔成局,又可以生癸水。
2010年癸丁壬庚
卯未午寅
丁火午月,壬癸水庚金透出,壬癸水係丁火的官殺,呢度唔構成官殺混雜,因為壬癸水都無根,庚金財星又係無根,變成財官虛露,形成梟印比劫當令得勢,行唔到好運就一世窮。
男命就有運行,去到甲申,乙酉運變成財星得祿得刃,庚金得祿由衰變旺,得刃由衰變強。
衰神沖旺,旺者發。
係衰的用神沖旺忌神,沖剋忌神就到自己旺,所以話旺者發,呢個旺係財旺,變成身旺財旺,但係去到戌運,變成寅午戌火局,就唔知會點,衰唔衰就要睇前兩運點樣處理,如果在好運的時候善於積蓄,有 根基,就算再行番衰運都唔使驚,所以命係由人,係積極性的,唔係由天的。
暗沖暗合尤為喜,我沖彼沖皆沖喜。
三刑逢沖就係明沖,刑沖就多數都唔好,會合以會為重,呢度話暗沖暗會分別係原局有沖有會,為明沖明會,大運流年沖會就係暗。
呢度話尤為喜就未必,一定要睇原局的喜忌。
我沖彼沖者,我代表喜神,彼代表忌神,無論喜神忌神,逢沖必動,動親就喜忌都好明顯。
35年 乙甲己乙
亥申卯亥
35年甲木卯月,亥卯會木,身旺就一定以官?
為用。
甲木寅月就以食神為用,甲木卯月,陽刃就一定以官殺為用。
申中庚金與卯中乙木相合,化官殺,化為用神。
支神只以沖為重,刑與穿兮動不動。
62年 乙壬乙壬03年甲丙乙癸
巳申巳寅 午戌丑未
62年呢組八字,地支的變化,全在會合刑沖,天干以遇七殺為忌,地支亦都係一樣,最忌就係沖。
刑就係三刑,三刑就係寅巳申,丑戌未。
其餘都不足以構成刑,其中以寅巳申為最嚴重,如果三刑逢沖係最衰的,即係寅巳申見亥。
以前D人論命,多數以年為主,即係太歲,但發展到現在就一律以日為主。
所以三刑的其中一個字必定要係日腳,如果唔係,三刑對日主就無咩大影響,只係普通格局。
至於穿已經唔再受重視。
第一組八字行亥運沖提綱,兼三刑逢沖。
第二組八字,行唔到辰運,只有流年遇辰,丙火丑月,身弱變強,見辰年三刑逢沖,反而係好的。
但女命行辰運財有大禍,夫宮與提綱齊沖。
合有宜不宜,合多不為奇。
以前D人算命,首先睇吓有無相合。
認為命中有合就係好命,以前社會形態簡單,算命容易得多,所以現在的算命師,一定好功夫過前人。
合除 天干五合,地支三合,六合之外,重有暗合。
例如午亥相合;
即係甲己,丁壬,呢度D合有宜不宜,如以木生在冬天,寒木向陽,有丙火透出,梗係好啦,但係原局或者行運見到辛金,丙同辛合,丙火就失去 佢的作用。
又例如金水傷官,生於冬天。
35年 壬庚丁乙
午子亥亥
35年呢組八字,天干有丁火透出,通根於地支午火,變成水暖金溫,但係又見壬又見亥,正式係好合唔合,就係合之不宜。
合多不為奇,例如甲以己為財,身旺財來就我梗係好啦。
但係天干唔止一個己土,地支又有丑,又有子,天干多合,地支又合,變成己土太多,咁樣的合係無咪奇。
陰陽順逆之說,洛書流行之用,其理信有之也,其法不可執一。
陰陽順逆涉及到十二生旺衰死。
陰陽順逆的學說,多數人都認為出自洛書。
真唔真亦唔使計較,只要知道呢?
?
點解就得。
大致上陽係主聚合,主進,主動。
陰係主散渙,主退,主靜。
論命的時候,係唔會計較順逆,陰多抑或陽多,一定先睇日主的衰旺,生我的多或剋我的多,再睇原局有無用神,跟住再睇大運的得失,咁樣論命就一目了然。
至於十二生旺只不過係借用的形容詞。
長生.係好似人的初出世。
沐浴.就係人出世之後去 層舊的污洉。
冠帶就係形氣漸長,好似人成長開始自立。
臨官由長而立,以前就係考試求官,但係未做官,所以叫做臨。
帝旺即壯盛到極,已經做 官,所以話帝旺,即係皇帝的左右手。
衰,一個山,上到山頂就開始向下落,亦即係有一個轉變,但係呢個變,多數係負面的。
病.開始衰多D,衰到就來盡。
死,就係氣盡,無餘氣,就叫死。
墓,就係收藏,外邊的環境未對自己有利,就要等待時機。
, 係極,極就開始有生機,所謂極而必反。
胎,重新再來過。
養,如果?
係谷底,養就係在谷底重新爬番上來,就係週而復始。
以日主來講,係唔需要坐祿坐旺,就算生在休囚之月,只要年,日,時,三柱有長生,祿旺,就唔算弱,就算生在墓庫之月,亦都叫做有根,好多書話見到墓庫就一定要沖,其實未必。
.在宋朝的時候,經過徐子平修改過之後,就只有寅申巳亥四長生,從來都沒有子午卯酉為陰長生,但係去到明末清初就開始大量生產神煞,跟住就有埋陰陽長生,根本就唔合理。
陽天干,甲丙戊庚壬,以甲木為例,生旺於自己地頭,即係寅卯之月,即係盛于木方。
幣于泄方,即係巳午之月泄甲木之氣。
盡于 方,即係甲木去到申酉之月受 而盡。
呢個理論就正確,但係如果乙木
生于泄方,而又死於生方,理論上係 無可能。
例如子同午永世都唔會生金生木,又何來乙木長生於午,辛金又長生於子呢?
例如寅同亥,永遠都唔會 火?
木,點會乙木死於亥,丁火又死於寅呢?
好多大師都將呢度解釋為陽死陰生,陰盡陽生。
但係到用的時候就唔分陰陽,一律木長生於亥,火長生於寅,所以自己都攪唔清楚,八字命理正確的取格就係丁見酉為財。
乙見午,己見酉,辛見子,癸見卯,都作為食神泄氣來睇,都唔係以長生論。
乙見亥,癸見申,一律作為印星論,?
對唔會當係死,就算係己土見寅中之丙火,辛金見巳中之戊土,亦都係當印星來睇,唔係當死。
由以上幾個例可以知道,陰陽根本就係同生同死。
如果偏執於陰陽順逆,用陽生陰死,陰生陽死則十有九錯,所以話其法不可執一。
故天地順遂而精粹者昌,天地乖悖而混亂者亡;不論有根無根,俱要天覆地載。
天地即係天干地支,順遂相生有情,精粹氣勢團結。
四柱相沖相剋,每柱天剋地沖,就係天地乖悖而混亂。
天覆地載就一定有根,無根又何來地載。
命理講究天干地支配合,不離生剋制化,會合刑沖。
配成格局高低,同一格局無論富貴貧賤,都有身分別。
富分大富小富,貧亦有分等級,所謂順遂精粹,就算唔係通根祿旺,都係相生有情,配合中和,用神唔會受沖。
相反就係混亂,天覆地載就係上下有情。
37年 丁丁丁丁
未酉未丑
37年
呢組八字酉丑會局,丁火日主見財局,本來係好的。
但係好的,但係無食傷生財。
未為燥土生金困難,又沖破金局,時柱丁未,火土無得生金。
原局雖純,火土金但缺乏?
生氣,才星無透出,天干比肩爭才,搵多多都無。
天全一氣,不可使地德莫之載;地全三物,不可使天道莫之容。
天全一氣即係天干四字相同,例如上面八字四個丁,不可使地德莫之載,即係一定要通根,地全三物即係藏干,因為地支多數藏三天干的物質,天全一氣多數書都話好的,但係無根就不足為好。
地全三物,不可使天道莫之容。
地支所藏的野,如果無透出天干,就算有用,作用都係好微,天干的物質唔通根亦無用,如果天容地載,則氣勢自然順遂,四柱流通自然係好命。
陽乘陽位陽氣昌,最要行程安頓;陰乘陰位陰氣盛,還須道路光亨。
68年 丙甲庚戊 69年己乙辛己
寅寅申申 卯未未酉
陽天干就一定係陽地支,陰天干就一定係陰地支。
呢度所講的係四柱純陽,或者四柱純陰,純陽純陰亦有真假之分。
例如六陽地支,就只有寅申係純陽,六陰支之中亦以巳亥為純陽,丑卯未酉為陰。
陽地支唔及陰地支咁純粹。
就係陽地支有陰陽夾雜,陰地支一係就全陰,一係就全陽,陰陽之後話行程安頓..
道路光亨。
包括 年月時,同埋運程,分開喜用在年柱月柱,主有祖蔭,幼年所享用。
在月柱,日支,主日自己發奮,中年有作為,在日主時柱,主晚有運。
四柱純陽就陽氣太盛,太過枯燥。
四柱純陰就陰氣太盛,則太過寒濕,氣勢唔夠壯大。
68年組八字用在日時,晚運較佳。
69年乙木未月,卯未會局,比肩無透,財旺生剋,七殺通根於酉,沖散木局,要行到丁卯,丙寅先至有好環境。
命理高階組織第四頁
地生天者,天衰怕沖。
18年 乙壬乙戊
巳申丑午
地生天即係地支生天干,例如丙寅,壬申。
日主坐長生,四柱的其他三柱並無幫扶,淨係得日支一點長生,成為用神聚集之焦點。
呢D格局最怕沖,沖親就大問題。
如果其他年月時柱有幫扶,就唔係呢D格。
84年 乙丁乙甲
巳卯亥子
又例如84年呢組八字,成地支生干。
但格局就較為次D。
18年 乙壬乙戊
巳申丑未
1918年呢組八字,土水十二月,天氣嚴寒,天干剋洩交加,日坐長生,用神於年,時,主要以巳中丙火為用,巳申合中帶刑,暗藏凶象,至未運甲寅年沖提綱,寅巳申三刑逢沖,有大禍。
註(74年甲寅年)。
天合地者,地旺而靜。
財官財官財官
官
天同地相合,有
戊子,辛巳,壬午,丁亥,甲午,己亥,癸巳,七日,天干與藏干相合,合同化唔同,好多人見合就一定化埋,係錯的,以前D人論命,最重視合,認為合就係精神團結,無合或者合唔到就精神散渙。
例如戊子日,戊與癸合,財歸坐下,人地係?
唔到的。
又例如辛巳日,辛同丙合,官歸坐下,官的情向日主,天地相合不離財官,財官沖親都有大問題,所謂地旺而?
。
72年壬辛庚壬
辰巳戌子
72年組八字,日柱辛巳,成辛丙相合,正官之情向日主,四柱其他幾柱同日主都無沖,就係地旺而靜,做官或者普通職業都太平過人。
41年己辛己辛
亥巳亥巳
41年組八字,四柱干支皆合,在呢度巳亥唔算沖,成官印格,官歸坐下,一世夠運之人。
甲申庚寅,真為煞印相生;戊寅癸丑,也是兩神興旺。
天干剋地支或者地支剋天干,在六十甲子中都有十二三
個。
點解單係揀中呢幾個呢,睇清楚甲申,庚寅呢兩組。
甲臨申,庚臨寅,都係日主臨?
位。
戊寅土居甲木旺地,亦係臨?
。
但係千祈唔好以為日主臨?
就死梗,呢度每個字都係先?
而後生,?
同印都係同埋一齊,不假外求,所以真?
印相生。
以果有沖,去?
留印或者去印留?
,化忌為喜,化剋留生,又好似癸丑,如果癸水坐未,就完全無生氣,但係癸丑就唔同,就算生係未月,自己都有生氣,因為丑中暗藏辛金,又土金相生,所以呢四日有代表性。
50年甲戊戊庚
寅寅寅寅
50年呢組八字,地支一氣,甲木透出,唔使講?
旺,呢?
格局,一般都話食神制?
,但係睇清楚,庚金臨?
地,有咩力呢,所以一定係寅中丙火為用,變成?
印相生,成個八字都生晒。
上下貴乎情和,左右貴乎氣協。
上下即係地生天,天合地,同埋?
印相生。
貴乎情和,就係上下有情。
左右氣協,即係協同,即係和合,左右即係隔離。
例如甲子日見己丑月,丁亥日見壬寅時。
天干地支相合,叫做天地合德。
另外又有上下左右交叉相合。
例如辛亥日見丁巳月,本來巳亥逢沖,天剋地沖,但係巳中丙火同辛金相合,亥中壬水同丁火相合。
往來相合,化凶為吉。
最好就係月日,或者日時相合。
年月的影響力好微,但係天干地支相合多數都係好的,無論化唔化,起碼人緣都係好的。
58年 癸辛丁戊
巳亥巳午
始其所始,終其所終,福壽富貴,永乎無窮。
54年 丁戊戊甲51年丙庚丁辛
巳申辰午 子午酉卯
呢度所講即係始同終,甚麼係始終呢,四柱生生不盡之意,最緊要係四柱流通,上一句話情和氣協只係話上下左右日主之間的範圍,但係呢度係話永乎無窮,就要年月日時都週流不滯,就自然富貴無倫,更加好過情和氣協。
就算唔係四柱流通,只要天地無相沖剋,都唔衰得去邊。
相壽有一種最高格局,係有一種無形的氣勢,初睇唔覺得有咩咁特別,但係八個字之中改動任可一個字,都覺得無可能,就算掉轉一個字都唔得的。
不過我唔信,就算係皇帝的八字,有D都好PIC的,好似54年呢組八字,係一個好出名的人,佢發?
?
之後,D大師就將佢組八字砌到發達。
又51年組八字,地支子午卯酉,滿地桃花,財生?
,而?
旺刃旺,又係要砌到佢靚靚。
兩氣合而成象,象不可破也;五氣聚而成形,形不可害也。
兩氣成象,例如水木,火土等等,如果成象就唔可以受沖擊。
但係成象就最容易受沖。
例如木火成象,最忌見金水。
水木成象,最忌見土金。
破?
成象之局,其他局都係一樣。
有兩氣合而成象,但係亦都有相敵之象。
氣合而成象,最怕沖擊。
相敵之象亦以破象為忌,一定要以和解為好。
例如金木之局見水可解紛爭,忌見火金破局。
水火之局,最好見木,最忌見水土破局。
五氣聚而成形,即係得到五氣的專一。
即係潤下格(水)。
炎上格(火)。
從革格(金)。
曲直格(木)。
稼穡格(土)。
如果成格,就要順勢。
唔可以有逆勢的東西出現,所以凡成格的運勢都好短的。
獨象喜行化地,而化神要昌;全象喜行財地,而財神要旺。
獨象即係五行之中只得一種,或者得一種最旺,即係從格。
木獨旺叫曲直格,水獨旺叫潤下格,火獨旺叫炎上格,金獨旺叫從革格,土獨旺叫稼穡格。
重有就係
從強格,從旺格,氣勢偏埋一?
。
所以叫獨象,有咁的情形,日主一定係勁旺。
旺就要洩,所以話喜行化地。
化即係食傷,唔單止食傷為用神,食傷重要好旺。
即係話化神要昌。
如果流年大運行食傷,名同利都好順利。
但係要成獨象係有?
件的。
例如木日主,見方局寅卯辰,或全局亥卯未,要唔見金,就成曲直格。
火日主,見方局,巳午未或寅午戌全局而唔夾雜水在裹面,就叫炎上格。
金日主,成方局,申酉戌或巳酉丑全局而無夾住火在裹面,就叫從革格。
水日主,成亥子丑北方局或申子辰水局,原局無土?
制住,就成為潤下格。
土日主,一般來講要四庫齊全,即係辰戌丑未四樣只要有其中三樣,就叫稼穡格。
但係亦有嚴格規定,一定要有其中兩樣分佈於日主及提綱。
但係好多書寫稼穡格,求其見到辰戌丑未其中三樣在地支唔見有木沖剋,就當成格睇。
將八字呢門學問攪到模糊不清。
其實八字命理係有好嚴格的規定。
74年 戊甲丁甲
辰寅卯寅
74年地支全部係寅卯辰,成東方木局,成為曲直格,所以一定係化神為用,所謂化神就係食傷,就係丙丁。
呢種格局可以行財運,勉強行官運都得,但係最忌行印運,因為印運破食傷,名為破局傷秀。
79年 己戊丁己
未戌丑未
天干戊己土見丁火,地支辰戌丑未之中有三個,成稼穡格。
但係呢個係成格之中較差的一個,因為丑中的傷官辛金俾三個丁火暗剋,氣勢唔得流通。
86年 乙丙甲丙
未戌午寅
86年地支成火局,有甲乙木生火,炎上格就無可懷疑,行申酉運都無問題,戌運最好,亥運本來係唔好的,但係好在有寅同亥合,忌神被合,幾時都係好的。
但係去到子運,破局沖提綱,必有大問題。
80年 庚庚乙庚
辰戌酉申
80年天干乙庚相合,庚年同月先合,見庚辰而無化金,地支申酉戌成方局,從革格成立,行亥子丑運應該一路順利,最差就係寅運,雖未至死,但如果寅運裹面有午的流年,就想唔衰都好難。
72年 壬癸辛壬
子丑亥子
72年天干壬癸水,有辛金生旺,地支亥子丑北方局,成潤下格。
現在行甲寅,乙卯運,得意非常,但運勢開始走下坡,但去到辰運,辰中戊土係破格之運,但子辰合水,凶中見吉,去到巳運,真係無運行。
全象喜行財地,而財神安旺。
全象,有三樣野就叫全,呢三樣主要係食傷,又有財星又有官星,食傷同官?
係對立的,一定要有財星化食傷而生官,所以話喜行財地。
呢度全象唔單止講食傷同財官,傷官生財,當然係好啦。
但係官印相生見財星一樣好。
例如日主旺,適合行財運。
但如果四柱比?
多,則財星被劫,可以行官運,制劫護財。
但係都唔及行傷官運,例如日主旺,印旺,傷官弱,就最好行財運。
日主旺,財星弱,比劫多,最好行官運。
日主弱,印星同比劫兩樣比較都係印星比較有用。
29年 丁丙辛己(找不到丙午日)
酉午未巳
29年呢組八字,地支巳午未南方火局,有丁火透出,丙日主旺極,有土傷官透出生財。
炎上格所必需的,原局有傷官有財,但係衰在一直都行唔到財運,生活頻撲。
形全者宜損其有餘,形缺者宜補其不足。
形全的解釋就係甲木生於寅卯月,丙火生在巳午月,庚金生於申酉月,壬水生在亥子月,戊土生於辰戌之月。
呢D就叫形全。
戊土生於寅卯月,壬水生於辰戌月,庚金生於巳午月,丙火生於亥子月,甲木生於庚申月,呢D就叫形缺,形全即係旺,旺就宜損宜洩,形缺就宜補宜扶。
又旺則宜泄宜傷,衰則喜幫喜助。
呢兩句係八字的秘訣,除?
呢兩句之外,就咩野秘訣都係假的。
但係呢兩句,好多人都無仔細了解,只係知道旺就用洩用傷,衰就用幫用助。
好多人都無研究清楚,宜洩宜傷係咩野,原來洩就係食神傷官。
傷就係官?
,同樣係日主旺,用食傷有害,用官?
就有利,多數的八字都係唔會傷食同官?
都?
用的。
宜幫宜助,幫係比劫,助係印星。
有D八字只可以用比肩劫財,(即係幫)。
而有D八字只可用印星,(即係助)。
所以幫同助係有分別的。
例如日主旺,原局財官弱,如果用食傷洩日主,係可以洩日主的旺氣,但係食傷又可以損官星的力。
所以日主旺官弱係唔可以用食傷。
但係可以用官星,即係用傷,傷係可以剋制比?
。
同時亦可以補官星不足,亦即係宜剋不宜洩。
幫:
比劫。
助:
印星。
洩:
食傷。
傷:
官?
。
例如日主旺,原局唔見財官,滿局比劫,如果用官星,就會激起凶性,唔似用食傷洩日主的旺氣,亦即係宜洩不宜剋。
例如日主弱,局中財星重重,用印星幫日主係無用的,因為財破印,財星旺用印根本幫唔到日主,所以宜比不宜印。
例如日主弱,局中官?
多,滿盤?
氣,如果用比劫,大家鬥剋,反而無情,唔似得用印星化?
生身,所以身弱官旺,宜印不宜比。
97年 甲庚庚丁
申子戌丑
97年庚金戌月,申時,庚金日旺,丁火官星無力。
才星又弱,無能力生官,初運己酉,戊申,土金運,土可晦火生金,最差的運。
到?
丁未丙午,助旺官星,就可以有一番事業,呢一組八字身旺官弱,以官星為用,官傷不宜洩。
68年 乙庚壬戊
酉申戌申
68年地支申酉戌,日主坐專祿,身旺官星弱到唔弱,最初亥子丑運,有一番好環境,但係去到丙寅運,身旺受?
,等於水火相激,一定衰運接續而至,呢組八字旺極,要宜洩不宜剋。
80年 乙丙辛庚
未申巳申
80年丙火生於巳月,建祿格,本來建祿就一定用財,但係庚辛金透出有根,印星透出,本來係好的,但係俾庚金合住,化金,建祿本來係旺,但係現在變弱。
運到甲申乙酉,金的旺地,木印星無根,應該衰到唔衰。
去到丙戌運丁運衰之後又好番,呢一組八字成財多身弱,宜比不宜印。
72年 壬丙癸壬
辰午丑子
72年全局水旺無倫,日主勢孤力弱,雖然日坐陽刃,但係同官?
無得揮。
初運甲寅,乙卯化?
生身,但到?
丙辰運,丙火唔單止唔可以幫身,重激起水的凶性。
開始衰,到?
辰運就真係衰,因為子辰會水沖?
陽刃午火,如果重未衰就睇?
有無申的流年,如果有申的流年,就相唔衰都唔得。
呢組八字官旺身弱,以印星化?
生身,最忌比劫幫身。
官?
相混須細論,官有可混不可混。
官?
混雜,係有一個好嚴格規定,一般來講最好就有財生,七?
最好就有食神制佢,大家的需要唔同,官局或?
局都完全唔同。
如果用才生官的局,最忌有七?
混係裹面。
但係用印化官的局,即係官印相生之局,就唔忌有七?
混雜。
第二種就用食神制?
之局。
故名思義就係七?
重,?
然七?
重就更加忌官星助?
,但係食神重而官?
弱,就要有官星來幫,所以話有可混不可混。
57年 戊辛丙丁
子酉午酉
57年呢組八字,天干官?
相混,呢個局係?
助官旺,最?
係用印化官星。
有印就唔怕相混。
最好就係行辰運,最差就係行卯運,成子午卯酉齊沖兼?
戊土印星,一直耍去到辛丑運,混土生金先至有好環境。
43年 戊丁壬癸
申未丙未
43年組八字,就咁睇來官?
混雜,係唔好的,但係睇清楚D,原來丁火生在九月,係火旺土燥,最好就係有水滋潤,全靠時支申金,才生官?
,唔單止唔怕官?
相混,重?
助官星最好。
傷官見官最難辨,官有可見不可見。
93年 癸丙己癸
巳午未酉
93年呢組八字,呢度係話最難辨者,就係傷官同官星的力量點,如果傷官有財,就可以見官,以財化傷官生官星,如果傷官無財,就唔可以見官,有D就傷官喜見官,例如火土傷官喜見官。
93年 癸丙己癸
巳午未酉
93年火土傷官,最緊要調和氣候。
火土傷官本來就以見官星為忌,但係年支有酉金為才星,才星洩傷官生官,所以官星可作為用神。
由呢度可以睇到傷官格要用官星,大部份都係調候為主,大致上可以分幾類。
火土傷官宜傷盡,叫得做火土傷官的多數都係生於六月同九月,火土勁旺,火炎土燥都唔止。
如果行水運,反而激起凶性,所以唔適宜行官運,最好就行木運,因為
- 配套讲稿:
如PPT文件的首页显示word图标,表示该PPT已包含配套word讲稿。双击word图标可打开word文档。
- 特殊限制:
部分文档作品中含有的国旗、国徽等图片,仅作为作品整体效果示例展示,禁止商用。设计者仅对作品中独创性部分享有著作权。
- 关 键 词:
- 滴天髓 进阶
![提示](https://static.bdocx.com/images/bang_tan.gif)